Ukrayna və Rusiya tam atəşkəsə nail olmağa yaxındırlar, bunun üçün iki ölkənin şərtlərini razılaşdırmaq lazımdır.
Bu barədə ABŞ Prezidentinin Ukrayna və Rusiya üzrə xüsusi nümayəndəsi Keyt Kelloq "Fox Business” telekanalının efirində bildirib.
Kelloq hesab edir ki, indi Ukrayna və Rusiyanın müharibənin dayandırılması ilə bağlı tələblərini açıq şəkildə ifadə edəcək müqavilə şərtlərini formalaşdırmaq lazımdır.
Xüsusi nümayəndənin sözlərinə görə, ABŞ Prezidenti Donald Tramp Ukrayna Prezidenti Volodimir Zelenski və Rusiya lideri Vladimir Putinlə əlaqə saxlamağa davam edir.
///APA
