SHOW TV-nin məşhur "Kızılcık Şərbəti" serialındakı "Çimen" rolu ilə tanınan gənc aktrisa Selin Türkmən aktyorluq karyerası ilə yanaşı daha bir əhəmiyyətli uğura imza atıb.
AZXEBER.COM Türkiyə mətbuatına istinadən xəbər verir ki, Kocaeli Universiteti Hüquq Fakültəsini bitirdikdən və təcrübə müddətini uğurla başa vurduqdan sonra Türkmən İstanbul Barosundan Türkiyə Vəkillər Kollegiyası Hüquq Lisenziyası alaraq rəsmi olaraq vəkillik kariyerasına başlayıb.
Vəkil kimi and içdiyi mərasimdə hisslərini bölüşən Türkmən bildirib:
"Çox həyəcanlıyam. Bu gün yanımda ola bilməsələr də, həmişə məni dəstəkləyən əziz ailəmə təşəkkür etmək istəyirəm. Məni heç vaxt tək qoymayan əziz dostlarıma və həmçinin peşəkar həyatımda çox kömək edən əziz həmkarım və dostum Emrah Karataya təşəkkürümü bildirirəm. Bu gün başladığımız səyahət yalnız fərdi uğur deyil, həm də cəmiyyət qarşısında götürdüyümüz böyük bir məsuliyyətdir. Ümid edirəm ki, bütün həmkarlarım uğurlu peşəkar həyatlar yaşayacaqlar. Hər kəsi təbrik edirəm, təşəkkür edirəm."
Qeyd edək ki, 26 yaşlı aktrisa xalatını geyinib hüquq peşəsinə qədəm qoyduğu bu xüsusi anları sosial mediada izləyiciləri ilə bölüşüb.
Aysel
