Konor Makqreqor "son rəqsi"ni nə vaxt edəcəyini elan etdi
İDMAN
00:16 29.07.2026
1016
AZXEBER.COM xəbər verir ki, irlandiyalı döyüşçü bu barədə İnstaqram səhifəsində açıqlama yayıb.
"Əsrin döyüşü olmalı idi, amma indi bu, yenidən başlamağa çevrildi. 2027-ci il Beynəlxalq Döyüş Həftəsi. Son rəqs. Ağ-narıncı-yaşıl maşın yenidən iş başında olacaq. Gecikdiyim üçün üzr istəyirəm, amma quru buz oktaqonun örtüyünü sürüşkən etmişdi. Bu, heç-heçə oldu. Gələn il 100 faiz görüşəcəyik”.
Bu paylaşımla irlandiyalı döyüşçü növbəti çıxışının 2027-ci ildə UFC Beynəlxalq Döyüş Həftəsində keçiriləcəyini açıqlayıb.
Xatırladaq ki, Makqreqor UFC 329-da beş illik fasilədən sonra iyul ayında oktaqona qayıdıb. Lakin o, ilk raundun 69-cu saniyəsində zərbə vurmağa çalışarkən dizini ağır zədələyib və Maks Holloveyə nokautla məğlub olub. Döyüşdən sonra Makqreqor menisküsünün və ön çarpaz bağının cırıldığını açıqlayıb. UFC prezidenti Dana Uayt irlandiyalı boksçunun sağalmasının ən azı bir il çəkəcəyini bildirib.
OXŞAR XƏBƏRLƏR
ƏN SON XƏBƏRLƏR
