"Kristal” şirkəti ilə kabel sistemləri sənayesində qlobal liderlərdən biri olan İtaliya brendi "Prysmian Group” arasında əməkdaşlıq memorandumu imzalanıb.
"Qafqazinfo” xəbər verir ki, memorandum "Prysmian Group”un Rusiya və MEART regionu üzrə Baş Kommersiya Direktoru Murat Tezcan və "Kristal” şirkətinin Müşahidə Şurasının sədri Mahayət Nəbiyev tərəfindən imzalanıb.
.jpg)
İmzalanmış memorandum tərəflər arasında indiyədək mövcud olan uğurlu əməkdaşlığın davamı olmaqla yanaşı, davam edən layihələrlə bərabər, gələcək illəri əhatə edən fəaliyyət planını da özündə əks etdirir. Razılaşma çərçivəsində "Kristal”ın həyata keçirdiyi "City Garden Narimanov”, "Park Yasamal”, "Highland Residence”, və "Biləcəri” layihələrində "Prysmian Group” istehsalı olan yanmayan kabellərdən istifadə olunacaq. Sözügedən məhsullar mənzil daxili elektrik xətlərinin çəkilişi mərhələsində tətbiq olunacaq.
.jpg)
Qeyd edək ki, "Prysmian Group” kabel sistemləri sahəsində dünyanın aparıcı brendlərindən biridir və yüksək texnologiyalı, təhlükəsizlik standartlarına cavab verən məhsulları ilə tanınır. Şirkət tərəfindən istehsal olunan yanmayan kabellər yanma zamanı tüstü buraxmır, bu isə yaşayış binalarında təhlükəsizlik səviyyəsini əhəmiyyətli dərəcədə artırır.
.jpg)
Memorandum hər iki şirkət üçün strateji əhəmiyyət daşıyır və gələcəkdə əməkdaşlığın daha genişmiqyaslı layihələr üzrə davam etdirilməsi üçün möhkəm zəmin yaradır.
Ətraflı: *1544
kristal.az
