“Kubinka”, “Papanin” və “Sovetski” kimi tanınan ərazilər rekonstruksiya olunacaq.
Azərbaycan Dövlət Memarlıq və Şəhərsalma Komitəsinin beynəlxalq əlaqələr və informasiya şöbəsinin müdiri Cahangir Qocayevin SİA-ya verilən məlumata görə, bu layihə Böyük Bakı regional inkişaf planına uyğun olaraq həyata keçiriləcək: “Bu layihə Böyük Bakının regional inkişaf planı çərçivəsində həyata keçiriləcək. Plana uyğun olaraq sözügedən ərazilərdə yerləşən bəzi köhnə binalar söküləcək və orada yaşayan sakinlər köçürüləcək. Bəzi binalar isə əvvəlki yerlərində qalmaq şərti ilə rekonstruksiya ediləcək”.
