Ekologiya və Təbii Sərvətlər Nazirliyinin Milli Hidrometeorologiya Departamenti çaylardakı sululuğun vəziyyətini açıqlayıb.
Nazirliyin mətbuat xidmətindən AZXEBER.COM-a verilən xəbərə görə,hazırda Böyük Qafqazın Quba-Xaçmaz bölgəsi çaylarında sululuq ongünlük normanın 90-140, Kiçik Qafqazın çaylarında 60-70, Lənkəran-Astara bölgəsi çaylarında 25-55, Naxçıvan MR çaylarında isə 60 faizini təşkil edir.
Oktyabrın 1-də Kür çayının Qıraqkəsəmən məntəqəsində suyun səviyyəsində 2 sm azalma qeydə alınıb.Qanıx çayının Əyriçay məntəqəsində suyun səviyyəsində 5 sm azalma müşahidə olunub.
Kür çayının aşağı axınında suyun səviyyəsində artım müşahidə olunub. Belə ki, Kür çayının Surra məntəqəsində 5 sm, Şirvanda 20 sm, Araz çayının Novruzlu məntəqəsində 10 sm artım, Salyanda 5 sm, Bankədə isə suyun səviyyəsində 1 sm azalma qeydə alınıb.
Hazırda Surra məntəqəsində suyun səviyyəsi 342 sm, Şirvanda 205 sm, Salyanda 170 sm, Bankədə 202 sm, Araz çayının Novruzlu məntəqəsində isə 170 sm təşkil edir.
Gülxar Şərif
