Ötən gecə Bakı-Şamaxı yolunda baş verən ağır avtomobil qəzasında dünyasını dəyişən 4 nəfərin hamısının şəxsiyyəti məlum olub.
“Mercedes” və “KamAZ” markalı maşınların toqquşması nəticəsində “Mercedes”in sürücüsü, Şəki sakini, 1966-cı il təvəllüdlü İsmayılov Əlövsət Tahir oğlu, onun sərnişinləri - həmyerliləri, 1981-ci il təvəllüdlü Məmmədov Elçin Rasim oğlu, 1973-cü il təvəllüdlü Hüseynov Elşad Hikmət oğlu və 1986-cı il təvəllüdlü Abdürrəhmanlı Fuad Şahid oğlu qəzada aldıqları ağır xəsarətlərdən dünyalarını dəyişiblər.
AZXEBER.COM xəbər verir ki, qəza nəticəsində dünyasını dəyişmiş Fuad Əbdürrəhmanlı jurnalist olub. O "Türkstan" qəzetinin redaktoru vəzifəsində çalışırmış. Mərhum "Ankara Üniversitesi Siyasal Bilgiler Fakültesi"nin məzunu imiş.
Evli olan Fuadın son "facebook" statusu da həyat yoldaşına həsr olunubmuş: Bu gün həyatımızda ən əlamətdar gündür...Bu gün bizim evliliyimizin 2 ili tamam olur. Nə yaxşı ki, səni tanımışam, nə yaxşı ki, varsan həyatımın mənası... Səni çox, amma çox sevirəm!!! Neçə belə illərə çıxaq bir yerdə! "♥ Happy our wedding anniversary day :)"
Mərhumun fotolarını təqdim edirik. Allah rəhmət eləsin.
