“The Guardian”ın xəbərinə görə, şəhərə silah və üsyançılarla dolu çoxsaylı maşınlar daxil olur. Təcili tibbi yardım maşınlarının da döyüş meydanına axını başlayıb.
“Reuters”in müxbiri şəhərdən artilleriya atəşi səslərinin də gəldiyini bildirir. Ras-Lanufadan sonra Liviyanın ikinci neft limanı olan Breqa şəhəri artıq üsyançıların əlinə keçib.
Paytaxt Tripolidə isə kütləvi aksiyalar gözyaşardıcı qaz və havaya atəş açmaqla dağıdılır. Amma dinc nümayişçiləri dağıtmaq hələ mümkün olmayıb.
