Dünyanın bir sıra ölkələrində COVID-19 xəstələrinə nəzarət etmək üçün xüsusi qolbaqlardan istifadə edilir. Bizdə isə belə elektron qolbaqlarla bağlı mütəxəssislər müxtəlif fikirlər səsləndirirlər.
Pandemiya həyatımızda çox şeyi dəyişdi. Dünyaya sözün əsl mənasında ciddi məhdudiyyətlər gətirdi. COVID-19-un gətirdiyi qadağalar, yoluxmanın qarşısının alınmasına hesablanıb. Bir çox ölkələrdə bunun üçün xüsusi qolbaqlardan istifadə olunur.
Bəs bu qolbaqlardan ölkəmizdə istifadə oluna bilər?
Həkim Adil Qeybulla bildirib ki, epidemioloji vəziyyətə nəzarət, yoluxma zəncirini zamanında qırmaq, infeksiyanın daha da yayılmasının qarşısını almaq üçün uğurlu yollardan biridir.
"Mütəxəssislər üçüncü dalğadan danışır. Mən hesab edirəm ki, vaksinasiya effektiv aparılarsa, üçüncü dalğanın Azərbaycanda olması gözlənilmir. Əgər effektiv aparılmasa və insanlar anti-vaksin kampaniyasını şiddətləndirsə, əlbəttə, bizdə də üçüncü dalğa baş verə bilər” – deyə, həkim bildirib.
Daha ətraflı Baku TV-nin süjetində:
