London yay Olimpiadasının açılış mərasimi keçirilib. 2012-ci Olimpiya oyunlarının açılışı “Möcüzələr adası” adlanırdı. Açılış mərasiminin büdcəsi 27 milyon funta yaxındır. Şouya rejissor Denni Boyl quruluş verib.Olimpiadanın başlanmasına bir neçə gün qalmış təşkilatçılar mərasimin müddətini yarım saat azaltmalı olublar. Onlar şoudan sonra gec saatlarda tamaşaçıların ictimai nəqliyyatla evə gedə bilməyəcəyindən ehtiyat ediblər. Ümumilikdə açılış mərasimini təxminən 80 min adam canlı izləyib. Hesablamalara görə, bütün dünyada televiziya tamaşaçılarının sayı dörd milyon nəfərə yaxın olub.
