Alim 2012-ci il üçün informasiya-kommunikasiya texnologiyaları nominasiyası üzrə BBVA mükafatına layiq görülüb
Dünya şöhrətli azərbaycanlı alim, Kaliforniya Universitetinin professoru Lütfi Zadə 2012-ci il üçün “Foundation Frontiers of Knowledge Awards”ın informasiya-kommunikasiya texnologiyaları nominasiyası üzrə BBVA mükafatına layiq görülüb.
AZXEBER.COM-un science.gov.az saytına istinadən verdiyi məlumata görə, alim bu mükafatı qeyri-səlis məntiq nəzəriyyəsinin kəşfi və inkişafına görə alıb. Mükafatın münsiflər heyəti hesab edir ki, bu nəzəriyyə kompüter texnologiyaları sahəsində inqilabi sıçrayış olub.
Qeyd edək ki, son 50 ildə Lütfi Zadənin metodikası təkcə ABŞ və Yaponiyada 50 mindən çox patentin əsasını təşkil edib. “Foundation Frontiers of Knowledge Awards”ın BBVA elmi mükafatı 8 nominasiya üzrə təqdim olunur. Münsiflər heyətində Avropanın aparıcı universitetlərinin alimləri təmsil olunur.
