Mübariz Mənsimov: "Düşmənə qanla verilən torpaqlar, yalnız qanla geri qaytarıla bilər"
MARAQLI
17:17 14.03.2011
1780
Türkiyədə fəaliyyət göstərən Azərbaycan əsilli türk iş adamı xaricdəki erməni diasporasının bu ölkənin tərəqqisinə mane olduğunu düşünür: “Ermənistan dəhliz olaraq genişlənə və böyüyə bilər. Bunun üçün Ermənistan sülh yolu ilə Qarabağ münaqişəsini həll etməli, Azərbaycandan işğal etdiyi torpaqları geri qaytarmalı, eləcə də diasporanın dəstəyi sayəsində Türkiyəyə qarşı irəli sürdüyü qondarma erməni soyqırımı iddialarından əl çəkməlidir”.
Mübariz Mənsimov hesab edir ki, bu məqsədə nail olmaq üçün Ermənistan xalqı bir olmalıdır, mütəşəkillik nümayiş etdirməlidir: “Ölkədən kənarda yaşayan erməni lobbisinin Ermənistan xalqının adından qərar verməsi nə dərəcədə düzgündür? Buna ancaq aclıqdan, yoxsulluqdan əziyyət çəkən 2,5-3 milyon erməni qərar verməli və idarəçiliyi dəyişməlidir”.
M. Mənsimov Qarabağ münaqişəsinin həlli ilə bağlı suala isə aşağıdakı kimi cavab verib: “Ehtiyatda olan bir əsgər kimi hesab edirəm ki, düşmənə qanla verilən torpaqlar, yalnız qanla geri qaytarıla bilər. Artıq müasir dövrdə yaşayırıq, ümid edirəm ki, bu münaqişə sülh yolu ilə həll olunar”.
OXŞAR XƏBƏRLƏR
ƏN SON XƏBƏRLƏR
