Çempionlar Liqasının 1/4 finalında "Lion"a uduzaraq (1:3) mübarizəni dayandıran "Mançester Siti" Lionel Messini heyətə qatmağı qarşısına məqsəd qoyub.
AZXEBER.COM xəbər verir ki, bi iddia ilə "Mirror" çıxış edib.
Mənbə klub rəhbərliyinin "Barselona"nın sabiq çalışdırıcısı olan Xosep Qvardiola ilə Messini bir araya gətirməyi çıxış yolu saydıqlarını vurğulayıb. İngiltərə təmsilçisinin idarəçilərinin argentinalı superulduzu istənilən qiymətə almağa hazır olduqlarını qabardıb.
Yazılanlara inansaq, pandemiya dönəmində böyük maliyyə itkisi ilə üzləşən və "Bavariya"dan alınan 2:8 hesablı məlum yenilgidən sonra böyük dəyişikliklər astanasına qədəm qoyan "Barsa" ingilislərin təklifi qarşısında duruş gətirə bilməyəcək.
Qeyd edək ki, daha öncə İspaniya mətbuatında müqaviləsinin müddəti 2021-ci ilin iyununa qədər olan 33 yaşlı Messinin rəhbərlikdən narazı olduğu, "Barselona" ilə yeni anlaşma imzalamaq istəmədiyi barədə informasiyalar yayılmışdı.
