Dünyada ən çox istifadəçisi olan sosial şəbəkə “facebook”dur. Hazırkı dövrümüzü, həyatımızı facebooksuz keçirə bilmirik. Bizə elə gəlir ki, “facebook” olmasa, işimiz yolunda getməz. Bunun belə olduğunu əksəriyyət qəbul edir. Dünyada hər 13 insandan biri facebook istifadəçisidir. 7-dən 77-yə hamı facebookda vaxt keçirir, yeni dostlar əldə edir, maraqlı hadisələrin, fikirlərin şahidi olur. Facebooka mobil telefonlarla daxil olanlar kompyuterle daxil olanlardan 2 qat daha aktivdir. Hətta, facebook insanların həyatına elə daxil olub ki, artıq tibbdə “facebook asılılığı” adlı xəstəlik qəbul edilməyə başlanılıb. Amma bəzi alimlərin fikirlərinə görə, “twitter” və “facebook” kimi sosial şəbəkələr insanlarda mənəvi dəyərləri məhv edir, humanizm fikirlərinin formalaşmasına maneə olur.
“Facebook” insanlara müsbət ya mənfi təsir göstərir?
Müxtəlif fikirlər var. Bəzi istifadəçilərin fikrincə, müsbət tərəfləri daha çoxdur, bəzilərinə görə isə əksinədir. İstifadəçilərin rəyinə görə, müsbət cəhətlər sırasında dostlarla ünsiyyət, vaxt keçirmək, təbliğat aparmaq, sevgi qazanmaq var. Müasir dövrdə istifadəçilərin çoxu bu şəbəkənin imkanlarından istifadə edib öz bizneslərini qurur, satmaq məqsədiylə müxtəlif əşyalarını reklam edirlər. Qəribə də olsa, sosial şəbəkələrdə öz məhəbbətini axtaran, tapdıqları ilə sonradan ailə quran cütlüklər də var. Bu çox maraqlı və birmənalı qarşılanmayan faktdır. Çünki gənclərlə apardığımız sorğular əsasında çox az sayda istifadəçi bunun doğru olduğunu qeyd etdi. Amma evlilik verilişlərində tanış olmaqdansa "facebook"da tanış olmağı üstün tutanlar da var idi.
İndi isə baxaq görək, mənfi cəhətlər nələrdir və gənclər bunları bilə-bilə niyə hələ də bu şəbəkələrdən istifadə edirlər?
AZXEBER.COM-un keçirdiyi sorğu nəticəsində bir daha məlum oldu ki, istifadəçilər facebookda nə itirib, nə qazanırlar. İstifadəçilərin 85 %-i vaxt itkisini söylədi. Bundan sonra ünsiyyət qurmaq, kontura qənaət, sevgi tapmaq sıralanır. Fikirlərin arasında ən maraqlılarını və üstünlük təşkil edənləri təqdim edirik:
Elnur Qurbanlı: “Markın var-yoxunu gündə ən azı 100 dəfə söyürəm.”
Elşən Məmmədov: “Gündəlik xəbərlər, tibbi məlumatlar. Xaricdə yaşayan dostlarla əlaqə.”
Çingiz Mustafayev: “ Facebook ömrümün ən maraqlı 5 ilini bir gündə məhv edib.”
Nurlan Əbilov: “ Təkcə Azərbaycanda 1 adamın 5 profili, adminlik etdiyi 10 səhifəsi, 15 qrupu var.”
Ruslan Zərbəliyev: “ Realda qarşıma çıxmayan qızı burda tapmışam.”
Sultan Seydaliyev: “ Kor olmuşam.”
Könül Azadova:” Facebook nə qazandırıbsa, Markın özünə qazandırıb.”
Sevil Rəsulzadə
