150-dən çox avtobus xəttdən kənarlaşdırılıb.
Sərnişinlərin daha çox etirazla qarşıladığı “Əjdaha ili”nin marşrut xətlərinin bağlanmasından ibarət olan hədiyyəsinin davamı gələn il də olacaq. Nəqliyyat Nazirliyinin rəsmisi bayramqabağı sərnişinlərə verəcəkləri başqa hədiyyələrdən də danışıb.İlin sonuna yaxın Nəqliyyat Nazirliyinin onlarla avtobusu xəttdən kənarlaşdırması yüzlərlə sərnişinin narazılığına səbəb olub. Son iki ay ərzində ANS-in “Qaynar xətti”nə bununla bağlı onlarla şikayət daxil olub. Bu şikayətlərin bəzisinin izinə düşərək vətəndaşların problemlərini “İç xəbər”in efirində qismən də olsa işıqlandırmağa çalışdıq. Avtobusların xəttdən kənarlaşdırılması sakinlərə baha başa gəldi.Çoxsaylı şikayətlərə baxmayaraq ləğv olunmuş marşrutların heç də hamısı bərpa olunmadı. Nəinki bərpa olunmadı, Nəqliyyat Nazirliyinin içtimaiyyətlə əlaqələr şöbəsinin müdiri Namiq Həsənov deyir ki, qarşıdan gələn 2013-çü ildə də avtobusların xətdən kənarlaşdırılması davam etdiriləçək. Qurum rəsmisinin sözlərinə görə, bir-birini təkrarlayan marşrut xətləri istisna olmaqla, xırda tutumlu avtobuslar artıq yeniləri ilə əvəzlənib.Yeni ildən isə sərnişinləri sərnişindaşımada yeniliklər gözləyir: “SMS xidməti olaçaq. Bundan başqa avtobuslarda kart sistemi olacaq”.Qeyd edək ki, avtobusların xəttdən kənarlaşdırılması həm də son aylarda artmaqda olan avtobus qəzalarının qarşısını almaq məqsədi daşıyır.
Marşrutların bağlanması etiraza səbəb oldu - VİDEO
Bütün Xəbərlər
17:42 28.12.2012
1364
OXŞAR XƏBƏRLƏR
ƏN SON XƏBƏRLƏR
