AZXEBER.COM-un müsahibi tanınmış aktirsa Zümrüd Qasımovadır.
O "Maşın şou"da yaşananlarla bağlı danışıb.
Həmin müsahibəni təqdim edirik:
- "Maşın
şou”dan ayrıldınız. İstərdik müsahibəyə şou haqda təəsüratlarınızla başlayaq...
- Bu böyük bir şoudur. Bu şounun bir parçası
olmaq da mənə çox xoş oldu. Hər bir adam da bu şouya düşə bilmir, düşən
insanlar da böyük bir təcrübə ilə çıxır. Şou zamanı fikir verdinizsə, çalışdım
hər kəslə xoş münasibət saxlayım. İstəmirdim ki, kimdəsə mənim haqda yalnış
fikir qalsın. Bu şou mənim üçün yaxşı təcrübə oldu, dəvətə görə təşkilatçılara
təşəkkür edirəm.
- Bəs
hansı iştirakçılardan üz döndərdiz?
- Məni
təəcübləndirən iştirakçılardan biri Fatma Mahmudova oldu. Şouda biz özümüzü sığortalamaq
üçün birinin şəklini atmalıydıq. Elə ola bilər ki, 3 şəkil üst-üstə düşə bilər.
Bu bizdən asılı deyil. Kimsə buna
qruplaşma deyir, təsadüfən də Fatma xanımın adı çıxdı və o bir əlavə şəkli atan
mən idim. Ondan sonra o insanın mənə
qarşı aqressiyası yarandı. "Maşın” ətrafında
mənə "sən kimsən” dedi. Kimliyindən asılı
olaraq heç kimə imkan vermərəm ki, mənə o
sözü desin. Sonra o səs verməyə çıxanda məni oyundan kənarlaşdıracaqdı. Ayan Babakişiyeva
onu hiss etdi və əlini çəkdi. Bu şoyda qazandığım insanlardan biri də Ayan
oldu.
- Fatma
xanımla davanız efirdə də yayımlandı...
- Qalmaqal oldu, sonradan barışdıq. Müdriklük yaşla deyil, yaşadıqlarınladır. 20 yaşında elə insanlar var ki, müdrikdir və yaxud da əksinə.
Daha
sonra Fuad Musayevlə də aramızda problem oldu. O bəzi şeylərdə məni
günahlandırmağa çalışdı. Onun etdiklərini unuda bilmiərəm. Bəlkə də nə zamansa
keçər. Bundan başqa Nazim Pişyari da ilk gün məni həddən çox əsəbləşdirdi, xəyalımda
yaxşı insan kimi qalmadı.
- Şouda
çox az danışan iştirakçılardan idiz. Bunun səbəbi nə idi?
- Hər kəsin
qalibiyyət üçün bir planı olur. Məndə isə plan yox idi. Oyunun ilk günündən tərk
edənə kimi eyni simada oldum. Başa düşürdüm ki,bir oyunun içindəyəm və gərək elə
edim ki, bu maşına sahib olum. 18 nəfərin içindən 6 nəfərə gəlib çata bildim.
Burda Suna ilə gözəl taktikamız var idi. Qərarlarımızı birlikdə verirdik. Bu
doğru taktika bizi 6-lığa qədər gətirib çıxardı.
- Demək
ki, oyun içində oyun gedirdi...
- İnsanı
yaxşı gündə tanıyanda deyirsən ki, görəsən bu çətin anlarda necə olacaq? Biz Suna
ilə gərgin, ekstrim vəziyyətdə tanış olduq. 12 gün ərzində bir dəfə də olsun
sözümüz çəp gəlmədi, aramızda güvənsizlik yaranmadı. Ancaq orada birinə söz
deyirsən, gedir o birinə çatırır. Xəbərsiz şəklini atırlar, qruplaşırlar. Biz
bu oyunların içində olmadıq. Ona görə mən Sunanı qazandım. Suna həmişə deyirdi
bura oyundu əsas kənarda bir-birimizi itirməyək.
- Oyun
zamanı nəyi itirdiz?
- Oyun
zamanı yoruldum. Mən insanları sevmək istəyirəm. Birdən-birə gözündən düşmələri çox pisdir. İndi
bildim ki, insanlar maşın üçün nələr edə bilərlər. Mənim üçün isə əsas şəxsiyyətimdir.
- Şouda
səs toplaya bilmədiz. Bu sizin üçün gözlənilməz olmadı?
- Mən
oyunda hədəf açıqlamadım. Sunadan başqa4 nəfərə qarşı tək mübarizə apardım.Əlbəttə ki, 4 nəfəri sevən, dosttanışı az deyil. Əslində mən çox gözləyirdim, sağ olsun məni sevənlər səs
verdi. Bu mənim qalibəyyətim idi. Sadəcə
Zümrüd Qasımova nə zaman getmək lazım olduğunu yaxşı bilir. Tribunada olan günü
çox rahat idim. Maşına ehtiyacı olanlardan biri də mən idim. Öz maşınım var,
kreditini təzə bitirmişəm. Düşünürdüm ki, yeni maşınımı sürüb, köhnəsi ilə
nəsə edərəm. Teatrda işləyirəm, o qazancla maşın əldə etmək olmur. İndiyə kimi
bu həyatda nə əldə etmişəmsə, zəhmətimlə əldə etmişəm.
- Şouda
qeyd etdiniz ki, övlad anası ola bilməyəcəksiz...
- Mənim
övladım yoxdur. Mən bütün sevgimi, hisslərimi
həyat yoldaşıma vermişəm. O həyatın hər anında ən əsas da çətin günümdə mənim
yanımda olub. O da hər zaman mənə dəstəkdir. Şoudan çıxandan sonra yoldaşım məni
qarşılayıb, dedi ki, sən mənim hər zaman qalibimsən. Mən sevinirəm ki, sən
oyundan xanımlığını itirmədən çıxdın.
Qaldı
ki, efirdə dediyim sözlərə. Hər bir insanın tarixçəsi var. Bu da mənim həyatımda
qara səhvlərlə yazılan bir tarixdir. İstər istəməz maşın ətrafında 5 saat
duranda nədənsə, danışırıq. Olan bir
şeyi danışdığım üçün normal insanlar məni
normal başa düşdü. Bu da bir həyatdır. Mənim necə güclü bir qadın olduğumu hər
kəs gördü. Milyonlar Zümrüdü yenidən tanıdılar.
- Şouda Kəmaləyə qarşı heç kim oynamır, sanki onun sms balansının çox olmasına görə
qorxurlar. ..
- Kəmalə
ağıllı və gözəl xanımdır. Onun da oyunda taktikası var idi. Heç kəsə
qarışmırdı, öz oyununu aparırdı. Necə mən Suna ilə gözəl oyun aparırdıqsa, o da
eləcə gözəl oyun apardı. Bir dəfə də olsun ona qarşı mübarizə aparmaq ağlımdan
keçmədi. SMS-nin çox olmasından qorxmurdum.
- "Maşın”da kimi qalib olmasını istəyirsiz?
- Mən
finalçı olaraq Sunanı, Ramalı və Laləni görürəm. Maşına ən çox ehtiyacı olan isə
Lalədir. Ancaq Sunanın da qalib olmasını istəyirəm.
- Yenidən təklif gəlsə, "Maşın”a qatılarsız?
" Qatılaram. Amma inanmıram ki, yenidən təklif gəlsin. Çünki mən ora üçün maraqlı iştirakçı deyiləm Sadəcə onu deyə bilərəm ki, Murad Dadaşovun komandası möhtəşəmdir.
