Ədliyyə polkovniki Mahir Musayev yaş həddi ilə əlaqədar təqaüdə çıxıb
Penitensiar Xidmətin rəis müavini Mahir Musayev təqaüdə çıxıb. Xidmətin ictimaiyyətlə əlaqələr şöbəsindən AZXEBER.COM-a verilən məlumata görə, Azərbaycan Respublikasının “Ədliyyə orqanlarında qulluq keçmə haqqında” Qanununa müvafiq olaraq Ədliyyə Naziri, I dərəcəli dövlət ədliyyə müşaviri cənab Fikrət Məmmədovun əmri ilə Penitensiar xidmətin rəis müavini, ədliyyə polkovniki Mahir Çingiz oğlu Musayev ədliyyə orqanlarında qulluq keçmənin yaş həddi ilə əlaqədar təqaüdə göndərilib.
