Məhəd Musaoğlu: 'Bunu 'Eurovision' ərəfəsində yayımlayacağıq' - AÇIQLAMA
MƏDƏNİYYƏT
01:59 22.04.2012
3942
May ayında Bakıda keçiriləcək "Eurovision" mahnı müsabiqəsinə maraq günü-gündən artır. Müsabiqəyə dünya səviyyəsində maraq və diqqət olduğu üçün, ölkəmizdə bu layihənin reallaşdırılması üzərində ciddi işlər aparılır.Layihə çərçivəsində, Eurovision'la bağlı, youtube və bir çox sosial şəbəkələrdə və dünyaca məşhur PromoDj saytında yayımlanan Dj China, Leyla Kafari və DJ Babaeff Dark'ın birlikdə ərsəyə gətirdiyi "Eurovision Azərbaycan" Mix'inin layihə rəhbəri Məhəd Musaoğlu AZXEBER.COM-a açıqlama verib."Azərbaycan 2011ci ildə, Eldar və Nigar'la birlikdə qalib olduğu zaman, bu ideyanı düşündüm və həmin gündən bunu reallaşdırmaq niyyətində idim. Buna səbəb olaraq deyə bilərəm ki, Azərbaycan qalib olduğu gündən etibarən, məlum məsələ idi ki, ölkəmizdə kiçikdən böyüyə qədər hər kəsin diqqət mərkəzində olacaq mövzu Eurovision idi. Bu düşüncə ilə Eurovision Azərbaycan adlı bir Mix hazırlanılmasını istədim və Mix'in layihəsini hazırladım. Azərbaycanda nadir hallardan hesab edilir ki, hər hansısa bir Dj sıfırdan başlayaraq bir mix hazırlasın. İlk olaraq düşündüm ki, bu layihəni mütləq Dj China ilə birlikdə işləməliyəm və Dj China ilə birlikdə işləməyə qərar verdikdən sonra, Leyla Kafari və DJ Babaeff Dark'da bizə qoşuldu və birlikdə bu layihə üzərində işləyib, nəticədə "Eurovision Azərbaycan" adlı "Mix" ərsəyə gətirdik." - deyə, Məhəd Musaoğlu bildirib.Layihənin rəhbəri olaraq, Məhəd bəy, həmçinin bu Mix'ə rejissorluğunu özünün edəcəyi klip də çəkmək niyyətindədir. Klipin rejissoru Məhəd Musaoğlu olsa da, layihənin əsas təşkilatçısı "Life studio" olacaqdır. Life studio'nun təşkilatçılığı ilə çəkiləcək klipin ekskluziv yayım dəstəyi həmçinin Mid.az saytına məxsus olacaqdır.
