Məktəbdə şagirdin telefonunu yerə vuraraq sındıran müəllim cərimələnib.
AZXEBER.COM Musavat.com-a istinadən xəbər verir ki, hadisə Ağdam rayonu İmamqulubəyli kənd orta məktəbində baş verib.
Məktəbin tarix müəllimi dəfələrlə qadağa qoyulmasına baxmayaraq sinifə telefon gətirən şagirdin telefonunu yerə vuraraq qırıb.
Dərs zamanı telefon zəng gəlib. Müəllim telefonun kimə məxsus olduğunu soruşub. Şagirdlərdən heç biri cavab verməyib. Müəllim telefonu axtaraq pəncərədəki güllərin arxasından tapıb. Telefonun kimin olduğunu soruşsa da müəllimə cavab verən olmayıb. Müəllim də telefonu yerə vuraraq sındırıb.
Telefonun şagirdlərdən Filiz Kazımovaya məxsus olduğu məlum olub. Müəllim inzibati xəta törətdiyi üçün məsuliyyətə cəlb edilib. 48 yaşlı müəllim vurduğu zərər məbləğində inzibati qaydada cərimə olunub.
