Məktəbli çantası hansı xəstəliklərə yol açır? - SAĞLAM NƏSİL
SAĞLAMLIQ
14:12 12.09.2012
4001
Yeni dərs ilinin başlanmasına az qalıb. Valideynlər övladlarını məktəbə hazırlayırlar. Aldıqları ləvazimat içərisində məktəbli çantaları xüsusi əhəmiyyət kəsb edir. Düzgün seçilməyən, ölçüsü çox böyük olan çantalar məktəblidə müxtəlif xəstəliklərə yol açır. Həkimlər də valideynlərə çanta seçərkən diqqətli olmağı tövsiyə edir.Bəs ən doğru seçilmiş çanta hansıdır? Çantaların geniş dəstəkli çiyin asqıları və bel kəməri olmalıdır. Çox böyük və çox kiçik çantalar almaq da düzgün deyil. Çanta uşaqların boyuna görə seçilməlidir, nə böyük, nə də kiçik olmamalıdır. 8 yaşınadək olan uşaqlar 2 kilo, 8-12 yaşınadək uşaqlar ən çox 4, 12-15 yaş uşaqlar isə 5 kilo ağırlığında çanta götürməlidirlər. Kürək çantaları hər iki çiyindən asılmalıdır, övladınızı çantanı yalnız bir çiyindən asmaqdan çəkindirin, çünki birtərəfli daşınan çantalar beldə sağa-sola əyilmələr,yəni (skolioz)kimi xəstəliklərə səbəb ola bilər.Uşaqlara çanta alarkən daha bir məqama da diqqət etməliyik –bu, çantanın hazırlandığı materialdır. Keyfiyyətli materialdan hazırlanmış, övladınızın yaşına, boyuna uyğun məktəbli çantası seçsəniz onun sağlamlığ üçün heç bir problem yaranmaz. Bəs armud və pişikotunun cana hansı faydası var?, evində pişik saxlayanlar nələrə diqqət yetirməlidirlər?, uşaqların düşməninə çevrilən autizm nədir?, yuxusuzluq hansı xəstəliklərə yol açır? Bu və digər mövzular haqqında ətraflı “Sağlam Nəsil” verilişinin yeni buraxılışında! Cümə günün (14 sentyabr), saat 17:00-da ANS kanalında “Sağlam Nəsil” verilişini izləməyi unutmayın! Qeyd edək ki, verilişin informasiya dəstəyi AZXEBER.COM portalıdır
