Sərəncam Azərbaycan Dövlət Mədəniyyət və İncəsənət Universitetinin 100 illiyi münasibətilə imzalanıb.

Siyahıda adı olan sənət adamlarından xalq artisti Mələkxanım Eyyubova xəbəri eşitdiyi anda yaşadığı hisslərdən AZXEBER.COM-a danışıb:

"İnanın ki, 2 dəqiqə bundan öncə xəbərim olub. İlk sizə açıqlayıram yaşadığım hissləri. Bundan gözəl hansı hiss ola bilər? Mən illərdir pedaqoji fəaliyyətlə məşqulam. Öz sənətimi öyrədirəm. Əvvəl şagirdlərə, indi isə tələbələrə. Bütün bunların Dövlət Başçımız tərəfindən dəyərləndirilməsi əvəzedilməz duyğudur. Bu günə qədər bir çox nəaliyyətlərim var, professorluğum var. Amma Universitetimizin 100 illiyi ərəfəsində təhsillə bağlı əməyimə verilən qiymətə görə Prezidentimizə təşəkkür edirəm. Siyahıda olan bütün sənət dostlarımı da təbrik edirəm. Çox həyəcanlıyam, qürurluyam. Bu il 100 illiklə bağlı çox tədbirlər keçirildi, hamısında iştirak etdim. Bu il möhtəşəm il idi. Allah şəhidlərimizə rəhmət etsin, qazilərimizə can sağlığı versin. Onların sayəsində bu illəri yaşayırıq. Mənə çox xoş oldu ki, siz də mənə dəyər verdiniz, hisslərimi qələmə aldınız. Təbrikinizə görə çox sağ olun”.