"ATV" telekanalında yayımlanan "Rəngarəng səhər" verilişi yeni mövsümə start verib.
AZXEBER.COM xəbər verir ki, hər zaman maraqlı mövzularla gündəmə gələn verilişin ilk qonaqları Xalq artisti Nazpəri Dostəliyeva, İlkin Dövlətov və aktyor, rejissor Kənan M.M olub.
Proqramda Kənanın həmkarı Aqil M.Quliyevlə bağlı etirafı marağa səbəb olub:
"Özümdən başqa bu aləmdə Aqil M.Quliyev deyib susuram. Bəzi gənclər də var ki, deyərdim, köhnə rejissorlardır, yeni aktyorlar. İndi Aqillə birlikdə rol alırıq. Həyatda yox, amma serialda düşmənik" deyə bildirib.
Daha sonra aparıcı Zaur Nəbioğlunun "Bir zamanlar deyirdilər ki, real həyatda da Aqil ilə münasibətləriniz o qədər də yaxşı olmayıb" sualına isə aktyor " Yalan söhbətdir, heç vaxt, heç bir problemimiz olmayıb. Mən Aqilin fanatı olmuşam, bunu deməkdən də çəkinmirəm. O, mənim ilham mənbəyim olub" cavabını verib.
Xatırladaq ki, Kənan və Aqil hazırda "Geə qonağı" serialında birlikdə çəkilirlər.
Aysel
