Media qurumları arasında keçirilən sorğu nəticəsində “İlin şairəsi” adı və “Fəxri media mükafatı”na lqyi görülən əməkdar artist Elza Seyidcahan, bu mükafatların onu çox sevindirdiyini qeyd edib.
Bu barədə AZXEBER.COM-a danışan əməkdar artist, “İlin şairəsi” adına layiq görüləcəyini gözləmədiyini bildirib: "Kifayət qədər tanınmış və şeirləri dillər əzbəri olan şairlərimiz var. Onların içərisindən mənim seçiləcəyimi gözləmək əlbət də normal deyildi. Ancaq çox sağ olsunlar ki, məni bu ada layiq bildilər. Heç vaxt ağlıma gəlməzdi. Amma çox sevinirəm. Bu mənim şeirlərimi qınaq atəşinə tutanların səyi nəticəsində baş tutdu. Onlar indi görsünlər və başa düşsünlər ki, qınaq etmək yox, başa düşmək lazımdır. Həm də mən insanların istədiklərini, qəlbindən keçəni onların qarşısına qoyuram deyə bir çox insan mənim şeirimi əzbərdən bilir. Ən çox sevilən 2 şeirim var: "Təyyarə" və "Vaqifin ətri". Gözəl şeirlərdir və çox insan sevir.
Paxıllığını çəkən həmkarlarından da danışan Elza Seyidcahan, "Məni tənqid edənlər, paxıllığımı çəkənlər yuxarıda yeri olmayan və aşağını bəyənməyən insanlardır. Mən nə deyim axı onlara. Kim kimdir görünür də. Sadəcə onlar götürə bilmirlər ki, Elza bu qədər sevilir. Bu qədər fərqlidir. Ad çəkərdim, ancaq ehtiyac duymuram" deyərək, sadəcə öz işi ilə məşğul olduğunu dilə gətirdi.Ozal İbrahimli
