"Mənim qolum, qanadım Aydanım. Səninlə nəfəs alırıq, mən və balaca Mehriban".
AZXEBER.COM xəbər verir ki, bu sözləri aktyor İbrahim Çingiz həyat yoldaşı Aydan Çingizin ünvanına yazıb.
Aktyor, həyat yoldaşını doğum günü münasibətilə təbrik edərək hisslərini bölüşüb:
"Sənin kimi gözəl yaza bilməsəm də, ürəyimdə olanları çox yaxşı bilirsən. Bir arzum var ki, həmişə birlikdə olaq və bir qocalaq, bundan başqa bizə nə lazımdır axı? Yaxşı ki, varımsan. Əgər bu həyatı bir neçə dəfə yaşayırıqsa, əminliklə deyə bilərəm ki, mən sənin sayəndə ən yaxşı həyatımı yaşayıram. Sənin dəstəyini hər an, hər saniyə hiss edirəm. Mən də sənin bütün arzularını Allahın köməyi ilə həyata keçirəcəyəm. Doğum günün mübarək, nəfəsim".
Xatırladaq ki, İbrahim Çingiz Əməkdar artist Çingiz Əhmədovun oğludur, Aydan Axundzadə isə aktrisa Fidan Axundovanın bacısıdır. Onlar 2021-ci ildə ailə qurublar. Cütlüyün Mehriban adlı bir qız övladı var.
Aysel
