Yanvarın 5-dək qüvvədə olan məzənnə açıqlandı.
Azərbaycan Mərkəzi Bankı əhaliyə müraciət edib.
Bankdan daxil olan məktubda qeyd olunur ki, əhali qarşıdakı bayram günlərində milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şaiyələrə inanmasınlar.
“Mərkəzi Bank tərəfindən müəyyən edilmiş yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsi 05 yanvar 2016-cı il tarixi üçün 1.5610 müəyyənləşdirilib”, - deyə, bankdan bildiriblər.
Bildirilib ki, bayramqabağı günlərdə Mərkəzi Bank tərəfindən bankların valyutaya olan ehtiyacları keçirilmiş hərraclar vasitəsilə kifayət həcmdə təmin edilib.
Qeyd edək ki, dolların bu günə olan cari məzənnəsi 1,5594 manat səviyyəsində müəyyənləşdirilib.
Bu isə o deməkdir ki, bu gündən etibarən qarşıdakı 5 gün ərzində, yəni 31 dekabr, 1, 2, 3, 4 yanvar tarixlərində cari məzənnə 1,5594 manat səviyyəsində olacaq, yanvarın 5-də isə artıq bəyan olunduğu kimi 1,5610 manat təşkil edəcək.
