Aparıcı Aytəkin Mərdanova qızı Nərgizin doğum gününü duyğusal sözlərlə qeyd edib.
AZXEBER.COM xəbər verir ki, aparıcı sosial şəbəkə hesabında paylaşdığı təbrik mesajında qızına olan sonsuz sevgisini ifadə edib.
"Düz 12 il əvvəl həyatımın ən qiymətli hədiyyəsi -gözəl gözlü Nərgizim dünyaya gəldi. Sanki dünən onun ilk addımlarını izləyirdim, bu gün isə qarşımda arzuları və düşüncələri böyüyən gözəl bir qız dayanıb. Artıq hər addımımda səni düşünürəm, hər duamda adın var. Həyəcanımın da, sevincimin də səbəbi sənsən. Sən mənim ən həssas yerimsən, Nərgizim".
O, paylaşımında qızına xoş arzularını da çatdırıb:
"Həyatın həmişə üzün kimi işıqlı, qəlbin kimi gözəl olsun. Gülüşün heç vaxt solmasın, arzuların yarım qalmasın. Bil ki, sən nə qədər böyüsən də, mənim üçün həmişə o şirin baxışlı, gül qoxulu balaca qızım olaraq qalacaqsan. Səni çox sevirəm, Nərgizim. Doğum günün mübarək Nərgizim”.
Qeyd edək ki, Nərgiz 12 yaşını qeyd edir.
Aysel
