Braziliya şok hadisə ilə sarsıldı. Müğənni İqor Moreyra evinin qarşısında güllələnib. Moreiranın bədənindən 20 güllə çıxarılıb. Ailəsi isə oğlunun səhvən öldürüldüyünü iddia edir.
29 yaşlı müğənni Braziliyanın şimalındakı Manaus bölgəsindəki evinə gəldiyi zaman güllələrə tuş gəlib. Bədəninə 20 güllə dəyən Moreira hadisə yerində dünyasını dəyişib .
Hadisə şahidlərinin sözlərinə görə, ağ avtomobillə gələn bir qrup şübhəli Moreiraya yaxınlaşaraq atəş açmağa başlayıb.
Braziliyalı müğənni hücumçulardan xilas olmaq üçün evə sığınmağa çalışsa da, təcavüzkarlar onun arxasınca gələrək atəş açmağa davam ediblər.
Hadisə ilə bağlı istintaq davam edərkən, İqor Moreyranın ailəsi oğlunun öldürülməsi üçün heç bir səbəb olmadığını bildirib. Ailə üzvləri Moreyranın təsadüfən öldürüldüyünü düşünürlər.
///publika.az
