Müğənni Vüqar Muradovun ailəsində xoşagəlməz hadisə baş verib.
AZXEBER.COM xəbər verir ki, müğənninin qardaşının xanımını avtomobil vurub.
Hadisə ötən gün DSK yolunda baş verib.
Baş vermiş hadisə ilə bağlı AZXEBER.COM-a açıqlama verən müğənni gəlinlərinin son durumunu açıqlayıb:
"Hazırda xəstəxanadadır. Allaha çox şükür olsun ki, daha da ciddi xəsarət almayıb. Başında "gematoma" meydana gəlib və almacıq sümüyü sınıb. İndi vəziyyəti yavaş-yavaş normala dönür. Bir müddət xəstəxanada müalicə alacaq".
Xatırladaq ki, müğənni hadisə baş verən yerdən video yayımlayaraq həmin yolda piyada xətti olmadığı üçün hər gün bu cür hadisələrin yaşandığını bildirib. O, aidiyyati qurumlara müraciət edərək, piyadalar üçün zolaq çəkilməsini istəyib.
Aysel Hacızadə
