Məşhur səhabənin məqbərəsi uçuruldu - VİDEO

Suriyanın Humus şəhərində Hz. Muhammədin (ƏS) yaxın silahdaşı və böyük İslam komandirlərindən Xalid bin Vəlidin adına olan məscid və məqbərə Bəşər Əsədə bağlı qüvvələr tərəfindən bombardıman edilərək uçurulub. Bir vaxtlar minlərlə müsəlmanın ziyarət edərək ibadətini ifa etdiyi məbəd hazırda istifadəyə yararsız hala gətirilib. Qeyd edək ki, tarixi məscid son dəfə osmanlı padşahı II Əbdülhəmidin dövründə restavrasiya edilmişdi.Nüfuzlu İslam komandiri, peyğəmbər Hz. Muhammədin (ƏS) yaxın səhabələrindən biri olan Xalid bin Vəlid hicri 8-ci ildə müsəlmançılığı qəbul edib. Məkkə şəhəri müsəlmanlar tərəfindən fəth edilərkən Xalid bin Vəlid İslam ordusunda sağ cinahın komandiri olub.Cəsarətli və çox ağıllı olması səbəbindən İslam peyğəmbəri (ƏS) onu Seyfullah (Allahın qılıncı) adlandırıb. Xəlifə Hz. Ömərin dövründə bir çox fəthlərdə iştirak edən edən Xalid bin Vəlid hicri 21-ci, miladi 642-ci ildə Suriyanın Humus şəhərində vəfat edib. Qəbri öz adına tikilmiş “Xalid bin Vəlid” məscidindədir.