Blondie rok qrupunun nağaraçısı Klem Börk 70 yaşında vəfat edib.
AZXEBER.COM Türkiyə mediasına istinadən xəbər verir ki, bu barədə ötən gün ABŞ-li qrupun rəsmi saytında dərc edilən açıqlamada bildirilib.
Qeyd olunub ki, Klem Burke xərçəng xəstəliyi ilə uzun müddət mübarizə aparıb və nəticədə dünyasını dəyişib.
Blondie açıqlamasında bildirib:
"Klem sadəcə nağara ifaçısı deyildi, o, "Blondie"nin ürək döyüntüsü idi. Onun istedadı, enerjisi və musiqiyə olan həvəsi misilsiz idi. Bizim səsimizə və uğurumuza verdiyi töhfələr ölçüyəgəlməzdir. Musiqiçiliyindən əlavə, Klem səhnədə və səhnədən kənarda bir ilham mənbəyi idi. Onun canlı ruhu, yoluxucu həvəsi və bütün rok yaradıcılığına böyük təsiri vardı. Onu tanımaq bizim üçün şərəfdir”.
Qeyd edək ki, "Blondie" karyerasına əlavə olaraq, Clem Burke Bob Dylan kimi musiqi dünyasının əhəmiyyətli adları ilə də səhnəni paylaşıb.
Oksana
