Xəbər verdiyimiz kimi, Azərbaycan Dillər Universitetinin (ADU) əsas korpusunun qarşısında tələbələr etiraz aksiyası keçiriblər.
AZXEBER.COM xəbər verir ki, tələbələrin etirazını dinləmək üçün rektor onları qəbul edib. Universitetin akt zalına toplaşan tələbələr aksiyanı binanın içində davam etdiriblər. Təhsil Naziri Mikayıl Cabbarov hadisə yerinə Ceyhun Bayramovu göndərib.
Nazir müavini tələbələr qarşısında çıxış edərək onların probleminin sabah keçiriləcək Elmi Şurada müzakirəyə çıxarılacağını və ortaq məxrəc tapılacağına söz verib.
Qeyd edək ki, tələbələrin etirazına səbəb illərdir ləğv edilən dövlət imtahanının yenidən keçirilməsidir. Universitetin 4-cü kurs tələbələri bir ay qalmış imtahanın elan edilməsinə etiraz edirlər. Universitet rəhbərliyi isə qərarın Nazirlər Kabineti tərəfindən verildiyini açıqlayıb.
