AZXEBER.COM-un məlumatına görə, bu çıxışın ardından AZAL ölkədaxili uçuşların qiymətlərini 50% endirmək qərarına gəlib. Mövzu ilə bağlı Milli Məclisin deputatı Etibar Hüseynov AZXEBER.COM portalına eksklüziv açıqlama verib. O AZAL-ın prezidenti Cahangir Əsgərova bu addıma görə minnətdarlığını bildirib: "AZAL bunu turizm ili ilə bağlayırdı və biz də bilirdik ki, bu turizm ili bağlı deyil. Kimin çıxışından asılı olmayaraq, AZAL rəhbərliyi belə bir addım atıbsa buna görə onlara təşəkkür düşür. Mən də sizin vasitənizlə buna görə xüsusilə Cahangir müəllimə təşəkkür edirəm. Bu addımın atılmasında təkcə mənim deyil, parlament kürsüsünün sanballı deputatlarının da səyini unutmaq olmaz".
Gələn il Azərbaycan “Eurovision-2012” mahnı müsabiqəsinə ev sahibliyi edəcək. Sizcə buna görə AZAL xarici uçuşların qiymətlərini artıra bilərmi? sualına isə millət vəkili belə cavab verib: "Bu yarışma çox az bir müddəti əhatə edir. İnanmıram ki, gələcəkdə buna görə belə bir addım atılsın".
Əfsələddin Ağalarov
