Bir neçə gündür ki, Şəmkirdə Vüqar Həşimovun xatirəsinə həsr olunmuş şahmat turniri keçirilir.
AZXEBER.COM xəbər verir ki, deputat icra başçısını yarış iştirakçılarına hörmətsizlikdə ittiham edib.
Deputat icra başçısının fotolarını paylaşıb və yazıb: "Şəmkirdə Vüqar Həşimovun xatirəsinə həsr olunmuş şahmat turniri keçirilir. Matçın ortasında Polad Elemdar ədasıyla teşrif buyurub səhnəyə qalxmaq, oyunçuların diqqətini yayındırıb, özünlə gətirdiyin fotoqrafa poz vermək üçün isə Şəmkirin İcra başçısı Alimpaşa Məmmədov olmaq lazımdır".
Qeyd edək ki, Alimpaşa Məmmədov daha çox şou-biznesə yaxınlığı ilə tanınır. Mətbuatın yazdığına görə, o bir neçə həftə bundan öncə icra başçısı özü üçün "Bu şəhərdə"nin Şəmkirdə konsertini təşkil etmişdi.
Bununla yanaşı bir müddət əvvəl icra başçısının Müdafiə Naziri tərəfindən doyülməsi də gündəmə gəlmişdi.
