2020-ci 9 fevral tarixində baş tutan parlament seçkilərinin nəticələrinə görə Milli Məclisə xeyli sayda gənc deputat üzv ola bilmişdi.
Seçkinin nəticəsinə görə, 28 yaşlı Səbinə Xasayeva Parlamentdə mandat əldə edən ən gənc deputat olmuşdu. Qarşıdan gələn Parlament seçkilərində də xeyli sayda gənc namizədliklərini irəli sürmək niyyətindədir.
AZXEBER.COM-un məlumatına görə, hazırda Azərbaycanda gənclik yaşı 14-29 yaşdır və faktiki olaraq Milli Məclisdə gənc yaşında olan deputat yoxdur.
Yaş baxımından Milli Məclisdə ən gənc deputat Səbinə Xasayevanın hazırda 32 yaşı var. Bu, 12 saylı Qaradağ-Binəqədi-Yasamal seçki dairəsindən qalib gələn Xasayeva Səbinə Səməd qızıdır. 1993-cü il təvəllüdlü S. Xasayeva Lökbatan bələdiyyəsinin sədr müavini olub. Onun namizədliyi YAP tərəfindən irəli sürülmüşdü.
Digər gənc deputat 63 saylı Sabirabad birinci seçki dairəsindən seçilən Cəfərov Kamal Xaqani oğludur. 1989-cu ildə anadan olan K. Cəfərovun 35 yaşı var. Onun namizədliyi YAP tərəfindən irəli sürülmüşdü.
Daha bir gənc deputat 99 saylı Şəmkir kənd seçki dairəsindən Həsənov Nurlan Urfan oğludur. Prezident Administrasiyasının hüquq-mühafizə orqanları ilə iş şöbəsində məsləhətçi olan N. Həsənov 36 yaşındadır. O, 1988-ci ildə anadan olub. Namizədliyi YAP tərəfindən irəli sürülmüşdü.
24 saylı Nizami birinci seçki dairəsindən qalib gələn Nurullayeva Könül Oruc qızı 39 yaşındadır. O 1985-ci ildə anadan olub. "Eventoc” tədbir əməliyyat komitəsinin baş direktorun müavini olan K. Nurullayevanın namizədliyi öz təşəbbüsü ilə irəli sürülmüşdü. Bitərəfdir.
96 saylı Goranboy-Naftalan seçki dairəsindən adı qaliblər siyahısında olan Məmmədov Anar İlyaz oğlu 40 yaşındadır. O, 1984-cü ildə anadan olub. Azərbaycan Avtomobil Yolları Dövlət Agentliyində şöbə rəisi olan A. Məmmədovun namizədliyi YAP tərəfindən irəli sürülmüşdü.
66 saylı Biləsuvar seçki dairəsindən qalib olan Məhərrəmov Bəhruz Abdurrəhman oğlu 1983-cü il təvəllüdlüdür. 41 yaşlı deputat "Paşa Sığorta" ASC-də korporativ hüquq xidmətinin rəhbəri olub. Bitərəfdir.
29 saylı Səbail seçki dairəsindən deputat seçilən Arpadarai Nigar Cavid qızı 1982-ci il təvəllüdlüdür. 42 yaşlı deputat bu vaxta qədər Bakı Şəhər Halqası əməliyyat şirkətinin marketinq və ictimaiyyətlə əlaqələr şöbəsinin rəhbəri işləyib. Bitərəfdir. Namizədliyi öz təşəbbüsü ilə irəli sürülüb.
43 saylı Sumqayıt üçüncü seçki dairəsindən qalib Hacıyev Emin Məcid oğlu 1982-ci il təvəllüdlüdür. 42 yaşlı E. Hacıyev Rusiyanın Azərbaycanlı Gənclər Birlyində məsul katib işləyib. Namizədliyi YAP tərəfindən irəli sürülmüşdü.
39 saylı Kəpəz birinci (Gəncə) seçki dairəsindən Cəfərov Müşviq Cəfər oğlu 43 yaşındadır. 1981-ci il təvəllüdlü M. Cəfərov Gəncə şəhər Gənclər və İdman Baş İdarəsinin rəisi olub. Namizədliyi YAP tərəfindən irəli sürülüb.
59 saylı Salyan seçki dairəsinin deputatı Əhmədova Jalə Fərhad qızı 1981-ci il təvəllüdlüdür. 43 yaşlı J. Əhmədova Azərbaycan Respublikası Xüsusi Dövlət Mühafizə Xidmətində işləyib. Bitərəfdir. Namizədliyi öz təşəbbüsü ilə irəli sürülüb.
Altay
