Voleybol üzrə qadınlardan ibarət Azərbaycan millisi Avropa Çempionatının final mərhələsinə hazırlıqlarını başa vurub. Azerisport.az xəbər verir ki, komandamız artıq bu gün hazırlıq keçdiyi İspaniyadan birbaşa İtalyaya yola düşüb. Xəbər verdiyimiz kimi, İspaniyanın Barselona şəhərində təlim-məşq toplanışı keçirən voleybolçularımız həmin vaxt ərzində İspaniya millisi ilə bir neçə yoldaşlıq görüşü də keçirib. Dünən (20 sentyabr) İspaniyada son hazırlıq oyununu keçirən Faiq Qarayevin yetirmələri 3:0 hesabı ilə qalib gələrək, hazırlıq mərhələsini sona çatdırıb. 23 sentyabrda start götürəcək Avropa Çempionatının final mərhələsinin (B) qrupunda mübarizə aparacaq Azərbaycan Milli komandasının rəqibləri Türkiyə, İtaliya və Xorvatiya milliləridi. Qızlarımız 2 gündən (23 sentyabr) sora İtalyanın Monza şəhərində ,ilk oyunda Türkiyə Millisi ilə qarşılaşacaqlar.
