Aydın Bağırov,
Əməkdar jurnalist
Bugünlərdə "Sabah”ın baş məşqçisi Valdas Dambrauskas bir müsahibəsində belə deyirdi: "Bütün səfərlərimdə kitab oxuyuram”.
Bir futbol adamının mütaliəyə gözlənilməz marağı təsadüfi deyil. Dambrauskas əslində sırf futbolun içindən çıxan adam olmayıb, amma özünü əsl futbol adamına çevirib.
Necə?
Məlumatlara görə, hazırda 49 yaşı olan futbol mütəxəssisi əslində ixtisasca mühəndis olub, ölkəsi Litvada "Milyonçu” yarışmasına qatılıb, orada qazandığı pulu isə bahalı maşına filan deyil, Londonda idman-futbol təhsili almağa xərcləyib.
Əziyyət çəkib, öyrənə-öyrənə, həm də örnək ola-ola yekunda olub MƏŞQÇİ!
Litva, Xorvatiya, Bolqarıstan və s. ölkələrin klublarında işlədikdən sonra gəlib çıxıb Azərbaycana.
Əvvəl "Sabah”ı çempion etdi, elə ilk debüt mövsümündəcə komandasını ÇL-in əsas mərhələsinə çıxardı (4 mərhələ keçərək!).
Buna müasir futbol dili ilə fantastika deyirlər!
