Çilinin əksər bölgələrinə təsir edən kütləvi elektrik kəsilməsi ölkəni iflic edib.
AZXEBER.COM xarici mətbuata istinadən xəbər verir ki, paytaxt Santyaqo da daxil olmaqla 14 bölgədə həyat dayanıb, Prezident Qabriel Boric fövqəladə vəziyyət elan edib.
Hökumət təhlükəsizlik tədbirlərini artıraraq komendant saatı tətbiq edib. Metro xidmətləri ləğv edilib, internet çöküb.
Rəsmilər ictimai təhlükəsizliyi təmin etmək üçün fövqəladə vəziyyət elan edib və fasilənin gecə boyu davam edə biləcəyini açıqlayıb.
Nəqliyyat, telekommunikasiya və səhiyyə sistemləri təqribən 8 milyon evə təsir edən kəsintidən ağır zərbə alıb.
Elektrik enerjisinin kəsilməsi ölkə daxilində böyük xaosa səbəb olub. Metronun hərəkəti dayandırılıb və minlərlə sərnişin qaranlıqda qalıb. İnternet və mobil telefon xidmətləri böyük ölçüdə iflasa uğrayıb. Xəstəxanalar və həbsxanalar təcili generatorlarla işləməyə məcbur edilib, bir çox müəssisə isə fəaliyyətini dayandırıb.
Mikayıl
