27 aprel 2025 ci il tarixində Mingəçevir Dövlət Universitetinin Biznes ve menecment kafedrasının müəllimi Müşfiq Hüseynovun təşəbbəsü ilə Marketinq ixtisasının Mq22.1 qrupunun III kurs tələbələri Murad Muradov, Nicat Kərimli, Tofiq Xudiyev, Əkbər Orucov və Siyahbər Əliyev 3 aylıq təlim proqramında iştirak edərək Azərbaycanda ilk dəfə blokçeyn sertifikatı və hədiyyələri əldə ediblər.
"Elektron ticarət” mövzusunda keçirilmiş təlim proqramında Orxan Əhmədov, Samir Mehdiyev və Fərid Məhərrəmli təlimçi kimi, Coşqun Kərimov, Həsən Həsənov, Cəfər Nəcəfov, Nigar Mehdiyeva və Toğrul Səməd isə qonaq spiker qismində qatılaraq iştirakçılara öz bilik və bacarıqlarını ötürməyə çalşıblar.
Təşkilati dəstək isə İnnovasiya və Rəqəmsal İnkişaf Agentliyi, SİMA, Mygov.az və "Digital Azerbaijan” kimi dövlət qurumları, eyni zamanda "ecomX”, "Bonpara”, "Sup.VC”, "BRANDMAKER”, "Epoint”, "Kargomat”, "Alas Academy” və "Cibbiznes” kimi şirkətlər tərəfindən həyata keçirilib.
Fevral, mart və aprel aylarını əhatə edən 3 aylıq təlim proqramında dərslər həftədə 4 saat olmaqla onlayn formatda həyata keçirilib. Təlim proqramını müvəffəqiyyətlə başa vuran iştirakçılar blokçeyn sertifikatı, eləcə də müxtəlif hədiyyələr əldə ediblər.
