Xəbər verdiyimiz kimi, oktyabrın 29-da Türkiyə Cumhuriyyətinin qurulmasının 93-cü ildönümü münasibətilə Rəcəb Tayyib Ərdoğan və xanımı Əminə Ərdoğanın ev sahibliyi ilə Prezident sarayında tədbir keçirilib.
AZXEBER.COM xəbər verir ki, dəvət olunan qonaqlar sırasında Azərbaycanın əməkdar incəsənət xadimi, aktrisa Məlahət Abbasova da olub.
O, Ərdoğanın qızı Esra Albayraq və kürəkəni, enerji və təbii ehtiyatlar naziri Berat Albayraqla tədbirdən çəkilmiş fotosunu şəxsi hesabında paylaşıb və yazıb:"Bu gün Prezident sarayında Türkiyə Cumhuriyyətinin qurulmasının 93-cü ildönümü münasibətilə cənab prezident Rəcəb Tayyib Ərdoğanın iştirakı ilə keçirilən tədbirə Azərbaycandan sənət adamı olaraq yalnız mən dəvət olunmuşdum. Buna görə də ölkəm və xalqım adına qürur duyuram. Cənab prezident və həyat yoldaşı Əminə xanımla çox gözəl söhbətimiz oldu. Azərbaycana göstərdikləri dostluq və qayğıya görə onlara ayrıca təşəkkür etdim. Daha sonra qızları Esra Albayraq və onun həyat yoldaşı, enerji və təbii ehtiyatlar naziri Berat Albayraqla uzun bir söhbətimiz oldu. Həm prezidentimizə, həm də ailəsinə onları teatrda görmək istədiyimizi, bu ziyarətin bizi xoşbəxt edəcəyini bildirdim. Əminə və Esra xanım gələcəklərini bildirdilər. Mənə göstərdikləri diqqətə görə prezidentə və ailəsinə minnətdaram”,
Məlahət Abbasova bu gün Prezident Rəcəb Tayyip Ərdoğanla fotosunu sosial şəbəkədə paylaşıb və qonaqpərvərliyə görə prezidentə təşəkkür edib.
