Moskvada azərbaycanlılarla taciklər arasında münaqişə baş verib.
AZXEBER.COM “Komsomolskaya Pravda”ya istinadən xəbər verir ki, hadisə nəticəsində xəsarət alan çox olsa da, onlardan cəmi 7 nəfəri xəstəxanaya yerləşdirilib.Məlumata görə, hadisə martın 9-da gecə saatlarında “Mariel” və “Spektr” ticarət mərkəzlərinin qarşısında baş verib. Əvvəlcə taciklər “Mariel”in qarşısında azərbaycanlılara hücum ediblər. Oradan Süleymanov soyadlı 19 və 18 yaşlı iki azərbaycanlı döş qəfəsi və boyun nayihələrindən bıçaq xəsarəti ilə xəstəxanaya yerləşdiriliblər.Zərərçəkənlərin sözlərinə görə, onlar martın 9-da təqribən 00.00 radələrində “Mariel” ticarət mərkəzinin qarşısında görünüşcə asiyalıları xatırladan şəxslər tərəfindən bıçaqlanıblar.Səhər saat təqribən 8.00 radələrində isə qafqazlıları xatırladan naməlum şəxslər “Spektr” ticarət mərkəzinin qarşısında taciklərə hücum ediblər. Nəticədə boyun, baş, döş və kürək nayihələrindən çoxsaylı bıçaq xəsarətləri ilə 20-38 yaşlarında Tacikistan əsilli beş nəfər xəstəxanaya yerləşdirilib.İlkin məlumatlara görə, hadisə nəticəsində zərərçəkən daha çox olub. Polis əməkdaşları bütün zərərçəkənləri və hadisənin təfərrüatlarını araşdırır.
