Moskvada 13-cü Beynəlxalq Qurani-Kərim Oxuma Müsabiqəsi keçirilir. Bu il də Rusiya paytaxtına dünyanın 34 ölkəsindən gənc Quran hafizləri axışıb. Bu il ənənəvi iştirakçılardan başqa, ilk dəfə Seneqal, Barbados, Uqanda və İspaniyadan da hafizlərin müsabiqəyə qatılması diqqət çəkib.Quran oxuma müsabiqəsi Rusiya Müftilər Şurası və Xarici İşlər Nazirliyinin dəstəyi ilə keçirilir. İki gün davam edən müsabiqənin birinci mərhələsində 7 hafiz finala vəsiqə qazanıb. Finalçılar beynəlxalq münsiflər heyətinin üzvlərinin ordan-burdan söylədikləri Qurani-Kərim ayələrini əzbərdən deyiblər.
