Toğrul Məmmədov: ”Yaxın gələcəkdə kanalın tezliyi ilə bağlı müsabiqənin keçirilməsi gözlənilmir”
“ANS TV-nin tezliyində hər hansı bir televiziya kanalı yayımlanmır və hazırda həmin tezlik boşdur. Yaxın gələcəkdə bu tezliklə bağlı müsabiqənin keçirilməsi gözlənilmir”. Bunu Bizimyol.info-ya açıqlamasında Milli Televiziya və Radio Şurasının (MTRŞ) Aparat rəhbəri Toğrul Məmmədov deyib. Onun sözlərinə görə, MTRŞ-ın ANS-lə bağlı mövqeyində dəyişiklik yoxdu.
Qeyd edək ki, MTRŞ ANS-in yayımının bir ay müddətində dayandırılması barədə qərar qəbul edib.
Dünən Bakı Apellyasiya Məhkəməsində ANS-in (MTRŞ) qarşı şikayəti üzrə məhkəmə prosesi keçirilib. Hakim bildirib ki, bu iş üzrə iddiaya 1 saylı Bakı İnzibati-İqtisadi Məhkəməsində baxılmalıdır.
Xatırladaq ki, iyulun 29-da isə Bakı Apellyasiya Məhkəməsi MTRŞ-nın “ANS Müstəqil Yayım və Media” Şirkətinin fəaliyyətinə xitam verilməsi (lisenziyanın ləğvi) barədə məhkəmə iddiasına baxıb və şirkətin lisenziyası ləğv edilib.
