Dünya çempionatında Azərbaycan cüdoçularının medallarının sayı artacaq.
Bunu Bakıda keçirilən cüdo üzrə dünya çempionatında bürünc medal qazanan Azərbaycan idmançısı Murad Fətiyev (90 kq) jurnalistlərə açıqlamasında deyib.
O, üçüncü yer uğrunda qarşılaşmanın gərgin keçdiyini bildirib:
"Bu, çox ağır keçən bir dünya çempionatıdır. Komanda olaraq bu mundiala çox ciddi hazırlaşmışıq. 5-6 ay ciddi hazırlıq prosesi keçdik. Şükürlər olsun, komanda olaraq hər birimix yaxşı çıxış edirik. Ümidimiz var ki, növbəti günlərdə də medallarımızın sayı artacaq. Mənim atam da cüdoçu olub. Onun ən böyük arzusu idi ki, dünya mükafatçısı olum. Tatami üzərinə çıxarkən atamı düşündüm".
Qeyd edək ki, M. Fətiyev bürünc medal uğrunda görüşdə serbiyalı Nemanya Maydovu məğlub edib.
///report///
