Milli Şuranın prezidentliyə vahid namizədi Rüstəm İbrahimbəyov mətbuatda barəsində yazılanlara qeyri-adi reaksiya verib.
O, bir çox KİV-in, vətəndaş cəmiyyətinin və siyasi qüvvələrin bu cür fikirlərə müvafiq rəy verməməsindən təəccübləndiyini bildirib. “Bunun əvəzinə məndən xahiş edirlər ki, iki-üç satqın cızma-qaraçının materiallarına şərh verim”, -dramaturq qeyd edib.
“Bu fonda mənim işlətdiyim “ağzından vurmaq” ifadəsi çox emosiya doğurub. İki-üç nəfər var ki, mənim barəmdə nəinki iyrənc, hətta elə şeylər yazır ki, bundan ötrü onların ağız-burnunu əzmək lazımdır”.
İndiki halda mən yalnız həmin satqın jurnalistlərə və hökumətyönlü KİV-ə öz münasibətimi bildirmişəm”, - R.İbrahimbəyov qeyd edib.
Sonda o, Rusiya pasportundan imtina etdiyini bildirib. “Azərbaycan Konstitusiyası və Seçki Məcəlləsi tələb edir ki, prezidentliyə namizədin ikili vətəndaşlığı və digər ölkələr qarşısında öhdəliyi olmamalıdır”, - o bildirib.
