“Nabucco” layihəsinin reallaşması 2020-ci ildən sonra mümkün ola bilər.
Bunu Azərbaycan Dövlət Neft Şirkətinin prezidenti Rövnəq Abdullayev bəyan edib.
R.Abdullayevin sözlərinə görə, “Nabucco” layihəsi “TAP” layihəsi yekunlaşandan sonra həyata keçirilə bilər.
Qeyd edək ki, “TAP” kəməri ilə “Şahdəniz-2” layihəsi çərçivəsində hasil olunacaq qaz nəql olunacaq. “Nabucco” layihəsi üçün isə bundan əlavə olaraq “Abşeron”, “Ümid” kimi Azərbaycanın digər qaz yataqlarında hasil olunacaq qaz nəzərdə tutula bilər.(APA)
