'Nar Mobile' Eurovision ərəfisində yeni layihələr təklif edir
İQTİSADİYYAT
11:00 26.05.2012
2319
Nar Mobile ölkəmizə gələn turistlərə lazım olacaq bütün rabitə xidmətlərini göstərməklə yanaşı“İçərişəhər”-in təşkil etdiyi layihələrə dəstək olur. Hər zaman abunəçilərinə dəstək olan və yenilikçi olan Nar Mobile “Eurovision 2012” mahnı müsabiqəsi zamanı bir neçə yeniliyə imza atıb. Şirkət şəhərimizin sakinləri və ölkəmizdə səfərdə olan qonaqlar üçünxüsusi “Eurovision-Nar” danışıq paketlərini hazırlayıb. Belə ki, danışıq paketində ölkəmizə gələn turistə lazım olacaq bütün rabitə xidmətləri - şəbəkədaxili səs zəngləri, SMS, MMS, data və beynəlxalq zənglər daxildir. Yalnız 10 AZN ödəməklə Bakıda səfərdə olan qonaqlar ölkədaxili, beynəlxalq və internet xidmətlərindən faydalana bilərlər. Bundan başqa Nar Mobile “İçərişəhər” Dövlət Tarix-Memarlıq Qoruğuna, eyni zamanda paytaxt Bakının təbliğat və tanıdılmasında yaxından iştirak edərək bir sıra layihələrə dəstək göstərir.Əməkdaşlığın əsas məqsədi turistlərə, xarici ölkə nümayəndəliklərinə vətənimizin tanıdılması, tariximizin öyrədilməsi, rəngarəng mədəniyyət və incəsənət dəyərlərimizi çatdırmaqdır. Nar Mobile brendi ilə tanınan Azerfon telekommunikasiya şirkəti 2007-ci ildə fəaliyyətə başlamışdır, və hazırda ölkənin innovativ və şəffaf telekommunikasiya şirkətidir. Azerfon şirkətinin şəbəkəsi hazırda Azərbaycanın 80% əhatə edir və yüksək səviyyəli rabitə xidmətlərinin təqdim olunması məqsədilə ölkəyə üçüncü nəsil şəbəkəsini 3G texnologiyasına əsaslanan xidmətləri tətbiq edir.
