Nar Mobile-ın 3G xidmətlərindən artıq bütün metro stansiyalarda yararlanmaq mümkündür
İQTİSADİYYAT
01:00 20.09.2012
1935
Şirkətin yeraltı şəbəkəsi artıq bütün metro stansiyalarını əhatə edir 2012-ci ilin əvvəlindən Nar Mobile, Azərbaycanın metro stansiyalarında ilk dəfə olaraq 3G xidmətlərinin tətbiqinə başlayıb. Abunəçilər mart ayında yalnız “Sahil”, “Nizami” və “28 May” metro stansiyalarında qeyd olunan 2G/3G rabitədən istifadə edirdilərsə, artıq hazırda həmin metro stansiyların sayı 22-ə çatdırılıb, tunellərin isə 25%-i 3G şəbəkəsi ilə təmin olunub. Qalan tunellər rabitə xidməti ilə ilin sonuna kimi təmin olunacaqlar. Bununla da, abunəçilər metroda hərəkət etdikləri vaxtda da zəng, SMS, internet, TV və digər xidmətlərdən rahat şəkildə istifadə edəcəklər. “Bildiyiniz kimi, metro ən çox istifadə edilən ictimai nəqliyyat vasitələrindən biridir və ona görə də yeraltı şəbəkənin qurulması şirkətimiz üçün prioritet məsələlərindən biri idi. Çox şadam ki, metro şəbəkəsinin quraşdırılması uğurla başa çatıb və artıq abunəçilərimiz 3G mobil rabitə xidmətlərindən bütün stansiyalarda yararlana bilirlər. Hazırda Nar Mobile 3G mobil rabitə xidmətlərini saniyədə 15 mb sürəti ilə göstərir” –deyə şirkətin Biznesin İnkişafı və Kommunikasiya Şöbəsinin İcraçı Direktoru xanım Leyla Nəsrullayeva bildirib.
