"İmtahanda iştirak edənlə yanaşı, etməyən adamın suallar haqqında rəy bildirməsi doğru deyil".
AZXEBER.COM xəbər verir ki, bunu jurnalistlərə açıqlamasında elm və təhsil naziri Emin Əmrullayev deyib.
O bildirib ki, Elm və Təhsil Nazirliyi Dövlət İmtahan Mərkəzi ilə birlikdə çalışır:
"İmtahana düşən sualların çətin və asan olmasını ölçən insan rəyi deyil. Çünki sualı bilməyəndə ona çətin, biləndə - asan olacaq.
Çətinlik dərəcəsindən asılı olmayaraq bütün uşaqlara eyni suallar düşür. Ötən ilə nisbətən çətinliyi problem kimi qiymətləndirmirəm.
Sualların çətinliyini ümumi ölçən əmsallar var. Bunu ölçdükdə başa düşmək olur, çətindir.
50 adam hesab etsə ki, sual çətindir, onda ölkədə heç vaxt imtahan keçirmək olmaz".
