Fransanın sabiq ədliyyə naziri Raşida Datinin dünyaya gətirdiyi körpənin atasının şəxsiyyəti barədə qalmaqallar səngimək bilmir. Körpənin atasının 68 yaşlı milyarder Dominik Dessiqne olduğu iddia edilsə də bu şəxsin hüquqlarını müdafiə edən vəkillər maraqlı iddialarla çıxış ediblər. Qeyd edək ki, Dessiqne bu istiqamətdə tələb olunan DNT testini qəbul etməyib. Vəkillər isə Versal məhkəməsinə yazılı müraciətlərində hamilə olduğu zaman Datinin 8 nəfərlə eşq həyatı yaşadığını bildiriblər. Onlar arasında TV aparıcısı, şirkət rəhbəri, İspaniyanın baş naziri, Nikolas Sarkozinin qardaşı, qətərli prokuror və miras hesabına yaşayan bir şəxs olduğu qeyd edilib.
