Daxili İşlər Nazirliyi Bakı metropoliteninin işçisi Günay Məmmədovanın faciəvi ölümü ilə bağlı məlumat yayıb.
AZXEBER.COM DİN-in saytına istinadən xəbər verir ki, avqustun 30-da saat 20.00 radələrində Suraxanı rayonu Bülbülə qəsəbəsinin ərazisində Bakı şəhər sakini Təhmin Vəliyev idarə etdiyi "BMW X-5" markalı avtomaşınla həmyerlisi Günay Məmmədovanı vurub. Nəticədə G.Məmmədova hadisə yerində ölüb.
Suraxanı RPİ tərəfindən araşdırma aparılır.
Qeyd edək ki, Günay Məmmədova metronun "Gənclik" stansiyasında çalışıb. O, eyni zamanda müğənniSəyyad Əlizadənin “Bizim Metropoliten” klipində çəkilib.
